Pasó tou un añu enteru dende aquel desaloxu, dende aquel 5 de Xunu de 2009, y les instalaciones de la FLEX, que durante 11 meses abellugaron al Centru Social Okupáu y Autoxestionáu La ReFLEXón, vuelven a ser un sumideru de suciedá y abandonu, un edificiu gris, apagáu y ensin vida. Les charres, los talleres, los conciertos, les proyecciones cinematográfiques, les xintes populares, el mercáu de gratuidá, los recitales de poesía, l’autoxestión, la solidaridá y el trabayu en comuña dieron pasu de nueu al abandonu y la especulación, gracies al interés, o desinterés, según se mire, de Construcciones Llorente y de la mal llamada Xusticia.

Pero’l CSOA La ReFLEXón nun morrió aquel 5 de Xunu. El CSOA La ReFLEXón siguió y sigue vivu. Porque la especulación nun acabó aquel día, y porque la decisión de llevar a cau un movimientu horizontal, asambleariu y anticapitalista nes instalaciones de l’antigua fábrica de FLEX nun fue’l caprichu d’una xente. Aquella xente siguió buscando sitios afayaízos pa denunciar la especulación inmobiliaria y llevar alantre el su proyectu anticapitalista, ocupó simbólicamente un edificiu na Cai Los Moros pa festexar l’aniversariu del proyectu y desechó unos cuantos más por tar en condiciones ruinoses. Pero la búsqueda continúa, porque son innumerables los edificios qu’hai en Xixón abandonaos a la espera de tiempos meyores pa los intereses especulativos, y más que va haber de siguir estos tiempos de recortes sociales, desempléu y precariedá. El tiempu danos y siguirá dándonos la razón, y nós siguiremos denunciando la especulación inmobiliaria y lo inxusto d’esti sistema capitalista.

En Xixón, a 5 de Xunu de 2010. L’asamblea nel exiliu del CSOA La ReFLEXón.

329. Ésti ye’l númberu de díes que les lleis qu’amparen la propiedá privada penriba de cualquier otru drechu nos permitieron llevar a cabu’l nuesu proyeutu reFLEXivu y antiespeculativu. Foi un suañu fechu realidá nuna antigua fábrica de colchones que llega al so final nesti espaciu por mor d’un autu xudicial sofitáu nesi sacrusantu drechu a la propiedá privada y nunes identificaciones policiales arbitraries a persones que yeren meres usuaries d’un espaciu que llevaba más de diez años abandonáu, d’un espaciu que, enantes de la entrada de les moces y mozos que-y dieron vida, nun yera más qu’una montonera d’escombros, suciedá, goteres y rates.

Esti inmensu espaciu foi recuperáu, rehabilitáu y lliberáu pal so usu públicu, foi abiertu pa tol barriu, pa toles persones que quisieren facer cualquier actividá n’elli. Y munches fueron les actividaes sociales, formatives o lúdiques que s’entamaron nesti centru social: charres, conciertos, recitales de poesía, representaciones teatrales, proyeiciones, comedores o cenadores populares, clases de llingua asturiana, d’inglés, de castellán a persones inmigrantes, talleres de consumu responsable, de confección de llámpares de papel. Nel centru había una biblioteca, un archivu con materiales del movimientu obreru n’Asturies, un circuitu pa patinar, una amplia zona de gratuidá onde la xente podía coyer llibremente y de baldre cualquier cosa que necesitara… Y too esto dende l’autoxestión, ensin pidir nin mendigar un euro a denguna instancia pública y aprovechando meyor que nadie los pocos recursos disponibles.

Col desaloxu previstu, toa esta triba d’actividaes desapaez, muerre, como morrerá tamién un espaciu que volverá ser esi edificiu de más de once mil metros cuadraos abandonáu a la so suerte.

Magar d’esti desaloxu, magar d’otros reveses que recibimos en feches caberes, en especial los ataques y estrozos sofríos pela parte de persones vinculaes a la ultraderecha, nós declarámonos arguyoses con esti proyeutu que nun va finar equí. El tiempo danos y siguirá dándonos la razón, y amosará que, escontra la especulación urbanística (que ta llevando a los tribunales a cantidá de cargos electos y gobiernos municipales enteros), la meyor forma de llucha ye’l compromisu, l’autoxestión y la ocupación. Ensin ánimu de paecer grandilocuentes, camentamos que la nuesa llucha ye xusta y abrirá un camín inevitable ante tanta construcción desenfrenada, ante tantos intereses especulativos; un camín asemeyáu al que nel so día recorrieren otros coleutivos criminalizaos como’l de les sufraxistes, o más recién los movimientos pola insumisión o pol albuertu.

Podrán desaloxar la ReFLEXón , podrán multanos y encarcelanos, pero’l movimientu pola ocupación, pol usu d’inmuebles abandonaos va continuar nel futuru. Escontra la especulación, la explotación llaboral y económica, volveremos ocupar y sedremos más. Anunciámoslo públicamente y a los cuatru vientos: güei desalóxannos d’equí, faen morrer un llugar, pero el CSOA La ReFlexón siguirá por siempres. Dando vida, sintiéndonos vivos, creando, construyendo utopías dende los escombros. Nos echen pero nun nos vamos.

Como muestra de que’l CSOA La ReFLEXón sigue más vivu que nunca, y con motivu d’una fecha tan señalada pa nós como ye’l 11 de Xunetu, día del primer aniversariu del proyectu, esti prósimu sábadu convocamos una manifestación que percorrerá’l centru de Xixón, y na cual distribuiremos esti comunicáu, sofitáu por una montonera de colectivos sociales, antirrepresivos, culturales y de toa triba na ciudá de Xixón y de toa Asturies. Esperamos cuntar cola vuesa presencia pa demostra-yos a toos y toes que La ReFLEXón
pervive y bien ceo pasará a l’Aición.

¡Puxa La ReFLEXón!

Sofiten:

C.S Sestaferia, COSAL-Xixón, FUSOA, Cambalache, CSI, Acsur, Alambique, Picu Rabicu, L’Arcu la vieya, Plataforma contra los Agrocombustibles, Ateneo Obrero, Aula Popular “José Luis García Rúa”, Sociedad Cultural Gijonesa, A Pie de Barrio (ApB), Fnast.net, Ensame Cultural Sonastur, Glayíu, Diagonal-Asturies, A.C El Contubernio, Lliberación, COSAL-Uviéu, Ingienería Sin Fronteras, Les Otres Cares del Planeta, Radio Kras, Escanda, Infoasturies, Asociación Cultural Mecigayu Ska, Sofitu.

Axentes culturales:
La Tarrancha, K-Nalón, Falanoncaduca, Adizión Etilika, Las Marakas de Machín, Xabel Vegas, Dixebra, Montañas, Fe de Ratas, Gomeru, Escuela de Odio, Caso Omiso, Arrabuñazo, Skontra, Vinagre de Sidra, Skama la Rede, Habeas Corpus, DEEPS, Sin Enchufe, Sambre, Herbamora, Minoría Agresiva, Chalaneru Sound, Yasta Fait, Galán, Fasenuova, La Charanga’l Ventolín, La Vereda Teatro, Xunca Records, Toli Morilla.

Contautu y más información:
flextricia@gmail.com
www.flextricia.net

Les circunstancies fixeron que tuviera que vivir mirándovos constantemente a los güeyos,
ser el blancu de les sensaciones que remacen de les vuestres pupiles.
Ello faime decatame del mal que vos come per dientru,
d’esa enfermedá curable na que vivís de contino.
Y surde en min un rasgu d’humanidá
que llega a faceme esmolecer
pola vuestra tristura.

Y llanzo al aire una alvertencia. Tresparente, sincera, sin mayor intención.

D’humanu a humanu, daivos cuenta: sois capaces de finar un suañu por una firma nún papel, reducir la vida al tiempu que pasáis temerosos vixilando la vuestra llende, garraos a los vuestros recuerdos tanxibles o apropiándovos de lo inmaterial. ¡Vos!, que mos ficísteis esconsoñar d’esti suañu, desagospiando la fábrica de suaños pa baltiar l’idega n’escombru y desaniciar la vida que flota nel aire tornándola en peste, en noxu, n’inaición. Obligando a los vuestros a vivir na inanición dafechu. Darréu, otra vuelta sabréis autorrecompensavos. Xirar sobre vosotros y saber masturbavos al ver que la xusticia de la llei se sobrepón.

Y nós, probinos. Otra vez a volver a equivocamos, a esguilar poles les vuestres llendes y muries y volver a topamos con esi desaniciu nel que finca la vuestra llei. Sabréis entos miramos arremellaos, tomar xeitu paternu y facer que reñamos mientres debuxáis de nuevu la llinea que trazásteis mal día ente’l bien ya’l mal. Quiciás teis no cierto, pero ye muncho más sabrosa esta mentira que me fai más real la mio vida.

Namás quiero, anque namás seya per un momentu robáu a un parpaguiar, poder facevos sentir lo que siente la piel cuando ta en caldia; cuando la mente ta enceso y hasta’l mieu s’espanta. Cuando s’arramen sorrises, nervios, señaldá. Esa victoria de sentise un dueñu del so propiu presente, d’engañase y creyer que por querer yá puedes, de vivir y ser llibre mientres llees nes parés que’l futuru ye un cuadru sobre’l que garabatiar.

Deprender, qu’esta mierda de vida dacuandu apurremos xugu. Nel que podemos bañamos, del que podemos beber nel que podemos morrer faciendo alcordanza d’un instante. Y entrugase ¿qué más da si me equivoco? si sé conformame con facer de cada minutu un cuentu de fades nel que nun importa que haya un final. Que lu hai, pero la meta ye güei y non mañana.

Sigo tendiendo la mano y sé que daquién me la cortará si la sigo estirando. Que responderé a la hostia y voi siguir alendando (o non) porque lo que llate ye la mio presencia entá más que’l mio propiu corazón.

Echo cuentes, y sé que calcular nun ye la mio virtú más cercano y por munches perres que xorrezan d’essi perru ensin amu, d’esi escombru al que un día vos quixisteis agarrar…y decíme ¿cuantu tiempu produciendo tendréis que alienalo? ¿cuantos años de euros podrán llegar a algamar tolo que en vida, sensaciones ellí fui yo quien a ganar? Creo que eones, tiempu que nun veréis nin en presente nin en pasáu, tantu que nun sedréis quien nin siquiera a imaxinalo mientres yo guardo los mios frutos que guañaron de segundos semaos de llibertá.

Dedicáu a la peña que fizo posible too esti tiempu la ReFLEXón (la lliteralidá) y a la que durante este llinies sintiu, a lo menos, un principiu d’empatía (la metáfora).
Gracies y seguíi suañando anque el marcu lu pinte mañana otres parés.
Llarga vida a la fábrica de suaños

De Nenyure, allí con traducción al castellano. Y están sonando Belleza y Estafa, de Karoshi.

Miercoles, 3 de Junio: Desde las 12h, jornada de trabajo colectivo en el CSOA La ReFLEXòn. ¡Echanos una mano para desmontarlo todo!

Jueves, 4 de Junio: Desde las 12h, jornada de trabajo colectivo en el CSOA La ReFLEXón.

A las 18.00h: Rueda de prensa.
A las 19.00h: Fiesta, Jam Sessión y Cenador popular, en colaboración con L’Arcu la Vieya.

Viernes, 5 de Junio: Día de acciones descentralizadas. Juntate a tus amigos de confianza y haz visible la rabia por el desalojo del CSOA La ReFLEXón. Dale rienda suelta a tu pasión creadora.  ¡Vamos a darle la vuelta a Asturies!

A las 19.30h, concentración contra la especulación. En la puerta del Astillero.

Sábado, 6 de Junio: Primera jornada sin ReFLEXón. Día de acciones descentralizadas.

A las 19.00h, manifestación desde la Plaza Mayor. Ven a dar tu calor a La ReFLEXón.

Domingo, 7 de Junio: Día de acciones descentralizadas. Muestra tu rechazo al político de turno en el colegio electoral.

¡Volveremos!

Nel autu remitíu güei pol Xulgáu d’Instrucción Nº4 de Xixón a un solidariu, identificáu nuna de les razzies llevaes a cabo pola  Policía Nacional, la xueza afita les 12 hores del vienres, 5 de Xunu, como plazu llímite pa proceder al desaloxu “voluntariu o forzosu”. Lo fae escudándose en que’l Códigu Penal protexe el ‘gocie y esfrute’(sic) de la propiedá, aún tando ésta nun claru estáu d’abandonu, estremu que ye negáu pol propietariu, Construcciones Llorente, S.L.

‘El fechizu tá en facelo too coles tus propies manes, convirtiendo cuatro muries n’espacios lliberaos’

Dende l’asamblea del CSOA La ReFLEXón entrugámonos qué gocie y qué esfrute puede esistir nun espaciu abandonáu, onde les goteres, la suciedá, la vexetación y la fauna yéren los auténticos dueños de lo que nel su día foi una fábrica de colchones. Ésta foi zarrada trés d’un ERE fae más de 10 años, abriendo la posibilidá a Construcciones Llorente d’especular col terrenu, manteniendo l’edificiu vacíu a la espera d’una recalificación que ensin dulda-yos xenerará xugosos ingresos. La nuesa presencia molesta a éstos vampiros del trabayu ayenu que aspiren a hipotecar la vida de les persones pa siguir acumulando euros na su cuenta corriente, una noble causa que ye defendía con enfotu pola Xusticia y la Policía.

“Una casa okupada ye una casa encantada, cuando haiga un desaloxu, apaecemos n’otra”

Por ello, convocámosvos el xueves, 4 de Xunu, a les 18.00h, en La ReFLEXón, no que sedrá una rueda de prensa pública siguía d’una fiesta solidaria y combativa.

[cast]

Pretenden desalojar el CSOA La ReFLEXón

‘Somos los duendes que habitan las casas abandonadas, la propiedad privada es un robo, lo nuestro.. arte de magia’.

En el auto remitido hoy por el Juzgado de Instrucción Nº4 de Xixón a un solidario, identificado en una de las razzias llevadas a cabo por la Policía Nacional, la jueza fija las 12 horas del próximo vienres, 5 de Xunu, como plazo límite para proceder al desalojo “voluntario o forzoso”. Lo hace escudándose en que el Código Penal protege el “goce y disfrute” (sic) de la propiedad, aún hallándose ésta en un claro estado de abandono, extremo que es negado por el propietario, Construcciones LLorente, S.L.

‘El hechizo está en hacerlo todo con tus propias manos, convirtiendo cuatro muros en espacios liberados’

Desde la asamblea del CSOA La ReFLEXón nos preguntamos que goce y que disfrute puede existir en un espacio abandonado, donde las goteras, la suciedad, la vegetación y la fauna eran los auténticos dueños de lo que en su día fue una fábrica de colchones. Ésta fue cerrada tras un ERE hace más de 10 años, abriendo la posibilidad a Construcciones LLorente de especular con el terreno, manteniendo el edificio vacío a la espera de una recalificación que sin duda les generará jugosos ingresos. Nuestra presencia molesta a éstos vampiros del trabajo ajeno que aspiran a hipotecar la vida de las personas para seguir acumulando euros en su cuenta corriente, una noble causa que es defendida con ahínco por la Justicia y la Policía.

“Una casa okupada es una casa encantada, cuando haya un desalojo, aparecemos en otra”

Por ello, os convocamos el jueves, 4 de Xunu, a les 18.00h, en la ReFLEXón, en lo que será una rueda de prensa pública seguida de una fiesta solidaria y combativa.

Si la ReFLEXón ye un delitu, ¡puxa la delincuencia!.

¡Que florezan n’Asturies diez, cien, mil centros sociales espropiados al mesmu Capital que roba les nueses vides!.

¡Nun vais a ser quién pa con nos!

en dellos centros de menores

Sofitando a los diversos movimientos sociales que tán manteniendo una dura llucha, denunciando les tortures, abusos, tropelíes y suicidios nos Centros de Menores Cerraos, la inmensa mayoría privatizaos, colocáronse 13 ataudes na fachada’l CSOA La ReFLEXón, representando ca ún a un menor muertu nes manes del Estáu y el Capital.
Encamentamos a toles persones coscientes de la realidá del su entornu a averase pol CSOA, pa siguir el trabayu de denuncia social, creación d’espacios y momentos lliberaos y espropiaos a la lóxica dominante y sofitu a les diverses lluches que’l Pueblu tá manteniendo.
Pa más información rellacionada col tema, acuda a los siguientes enlaces:

Web del Colectivo contra los Centros de Menores cerrados

De tanta rabia, tanto cariño. Enrique Martinez Reguera.

1ª Folixa Nacional “Asturies enxamás vencida” en Xixón

www.fai-asturies.org

Martes 12 de Mayu

• 17:00 h. Xuegu del Redistripoly. Na C/ Atenéu Obreru de La Calzada.
• 19:00 h. Charra-alderique: “El papel de los impuestos na redistribución de la riqueza“, con Miquel Campa i Solé, del Observatorio Social

Miércoles 13 de Mayu

• 19:00 h. Charra-alderique: “La oxeción fiscal al gastu militar“.